اےآروائی ڈیجیٹل عید کے پرمست موقع پر خوبصورت ٹیلی فلم اقر ڈرامے اپنے ناظرین کو دکھائے گااور اس موقع پر خصوصی ٹیلی فلمز نشر کی جائیں گی۔
ٹیلی فلم پاکیزہ کوچنگ سینٹر جسے تحریر کیا ہے فصیح باری نے جبکہ ہدایت کاری مظہر معین نے کی ہے اور اس کے فنکاروں میں حنا دل پذیر، راشد فاروقی، سلمہ بٹ، محب بٹ، جہاں زیب اور عاصم اظہر شامل ہیں۔ ٹیلی فلم کہیں پول نہ کھل جائے تحریر کی ہے کشور عدیل نے جبکہ ہدایت کار افتخار اخی ہیں اوراس ٹیلی فلم کے ستاروں میں عزیز خان، شہزاد شیخ، گل رعنا، غزالہ جاوید، اور عمران اشرف شامل ہیں۔ ٹیلی فلم ببن میاں کی بیگم بولی کی مصنفہ صبا حسن ہیں اور اسکی ہدایت کاری کے فرائض حسام حمید نے انجام دئے ہیں اور اس ٹیلی فلم مین ماریہ واسظی، شاہ جہاں، ممنون عباسی اور سبرین قابل ِ ذکر ہیں۔ ایک اور انتہائی منفرد ٹیلی فلم جو کہ اے آر وائی ڈیجیٹل پر نشر کی جائے گی شادی خانہ آبادی ہے اور اسکے مصنف عمران ہیں جبکہ ہدایت سید احسن عباس کی ہیں اور اس ٹیلی فلم کے مرکزی کردار شگفتہ اعجاز، محمد اسلم اور اریج فاطمہ ہیں۔
اے آروائی ڈیجیٹل سے نشر ہونے والے دیگر انتہائی خوبصورت ڈراموں میں گڈ مارننگ پاکستان صبح دس بجے ، پیارے افضل منگل کو رات آٹھ بجے، کوئی نہیں اپنا بدھ کو رات آٹھ بجے جانے کیوں جمعرات کو رات آٹھ بجے اور بھابھی رات آٹھ بجے بروز جمعہ نشر کیا جائے گا۔
اے آروائی ڈیجیٹل کا پروگرام جیتو پاکستان نے ملکی سطح پر آن ائیر ہونے والے تمام چینلز کے پروگرامون کے درمیان اولین پوزیشن پر براجمان رہا اور اس پروگرام کی کامیابی کی گواہی ملک تمام بڑے اخباروں نے بھی دی ہے۔
