The news is by your side.


نیشنل ٹی 20 کپ، قومی ٹیم ’ورلڈ کپ‘ سمجھ کر کھیلے!!

نعمان ناصر
نیشنل ٹی 20 کپ #NationalT20Cup

ماضی میں قومی ٹیم کے خلاف سازش ہوئی اور قومی ٹیم نے میگا ایونٹ جیتے، کیا دوبارہ ایسا ہی ہوگا؟

انگلینڈ اور کیوی ٹیم کے دورہ پاکستان منسوخ کرنے کے بعد قومی ٹیم کے لیے نیشنل ٹی 20 کپ کی تیاری ورلڈ کپ ٹی 20 کے لیے سنہری موقع ہے جس میں بہترین کارکردگی کا مظاہرہ کرکے قومی ٹیم ورلڈ کپ میں شاندار کارکردگی دکھاتے ہوئے کسی بھی ٹیم کو شکست دے کر ورلڈ ٹی 20 کپ جیت کر غیرملکی ٹیموں کو واضح پیغام دے سکتی ہے۔

پاک، نیوزی لینڈ معاملہ کرکٹ

پی سی بی کی انتھک محنت اور کوششوں کے بعد ملک میں انٹرنیشنل کرکٹ بحال ہوئی لیکن کیوی ٹیم کی ایک حرکت نے اس پر پانی پھیر دیا اور بعدازاں پتا چلا کہ یہ بھارتی سازش تھی، جعلی ای میل کے ذریعے مارٹن گپٹل کی اہلیہ کو دھمکیاں دی گئیں، اب یوں لگنے لگا ہے جیسے پاکستان کرکٹ 2009 والی صورت حال پر واپس چلی گئی ہے۔

لیکن ورلڈ کپ میں پاکستان کی ٹیم 24 اکتوبر کو بھارت اور 26 اکتوبر کو دورہ منسوخ کرکے جانے والی کیوی ٹیم کو کرار جواب اپنی کارکردگی سے ہی دے سکتی ہے اور شائقین کرکٹ کے چہرے پر مسکراہٹیں لوٹا سکتی ہے۔
اس میں کوئی شک نہیں ہے کہ ہماری ٹیم نوجوان کھلاڑیوں پر مشتمل ہے اس میں اگر دو سینئر کھلاڑیوں کی شمولیت ہوجاتی تو ٹیم مضبوط ہوجاتی لیکن اب وقت ان باتوں کا نہیں ہے اب وقت انہی کھلاڑیوں کی حوصلہ افزائی کا ہے تاکہ یہی کھلاڑی میدان میں اتر کر شیروں کی طرح لڑتے نظر آئیں۔

قومی ٹیم کے اسکواڈ پر تنقید کی بجائے اب انہیں سپورٹ کرنا ہوگا، کھلاڑی کی حوصلہ افزائی ہوگی تو وہ میدان میں فائٹ کرتے دکھائی دیں گے اور نتیجہ بھی انشا اللہ اچھا آئے گا۔

ماضی پر نظر دوڑائی جائے تو قومی ٹیم ہر اس وقت ابھر کر سامنے آئی ہے جب قومی ٹیم پر برا وقت آیا ہو، سری لنکن ٹیم پر حملے کے کچھ عرصے بعد ہی قومی ٹیم نے 2009 ٹی ٹوینٹی کا ورلڈ کپ جیتا اور 2010 میں اسپاٹ فکسنگ کیس سامنے آنے کے بعد قومی ٹیم ٹیسٹ میں نمبر ون ٹیم بن کر سامنے آئی۔

گزشتہ دنوں وزیراعظم عمران خان سے ورلڈ کپ اسکواڈ کی ملاقات ہوئی، وزیراعظم نے بھی کھلاڑیوں کو مفید مشورے دیے اور جارحانہ کھیل کھیلنے کا مشورہ دیا، ٹی ٹوینٹی ورلڈ کپ سر پر آن پہنچا ہے، امید یہی ہے کہ قومی ٹیم میگا ایونٹ میں لڑتی دکھائی دے گی اور کھلاڑی ملک کا نام روشن کریں گے۔

Print Friendly, PDF & Email
نعمان ناصر

نعمان ناصر اے آروائی نیوز سے وابستہ صحافی ہیں ، کھیل اور سماجی نوعیت کے معاملات پر لکھتے ہیں- بلاگز میں اپنی ذاتی رائے کا اظہار کرتے ہیں

شاید آپ یہ بھی پسند کریں
اردو بلاگز

جیت بڑے ناموں سے نہیں بڑی پرفارمنس سے ملتی ہے!

اردو بلاگز

بابر اعظم کی کپتانی پر تنقید صحیح یا غلط؟

اردو بلاگز

آئی سی سی ون ڈے ورلڈ کپ : کیا قومی کرکٹ ٹیم کا اعلان میرٹ پر کیا گیا ہے؟

اردو بلاگز

’ہمارا کیا قصور ہے؟‘



نوٹ: اے آروائی نیوزکی انتظامیہ اور ادارتی پالیسی کا اس بلاگر کے خیالات سے متفق ہونا ضروری نہیں ہے۔ اگر آپ چاہتے ہیں کہ آپ کا نقطہ نظر پاکستان اور دنیا بھر میں پھیلے کروڑوں ناظرین تک پہنچے تو قلم اٹھائیے اور 500 سے 700 الفاظ پر مشتمل تحریر اپنی تصویر، مکمل نام، فون نمبر، سوشل میڈیا آئی ڈیز اور اپنے مختصر مگر جامع تعار ف کے ساتھ ہمیں ای میل کریں ای میل ایڈریس: [email protected] آپ اپنے بلاگ کے ساتھ تصاویر اور ویڈیو لنک بھی بھیج سکتے ہیں۔